Dómsmálayfirvöld í Bandaríkjunum fara fram á það að Julian Assange, stofnandi og fyrrverandi ritstjóri WikiLeaks, verði hnepptur í allt að fimm ára fangelsi fyrir að hafa framið samsæri um tölvuinnbrot ásamt uppljóstraranum Chelsea Manning árið 2010.

Þetta kemur fram í tilkynningu á vef bandarískra dómsmálayfirvalda, en leynd hefur verið lyft af ákæru bandarískra yfirvalda á hendur Assange.

Bandarísk yfirvöld hafa farið fram á það við Breta að Assange verði framseldur til Bandaríkjanna og situr Assange nú frammi fyrir dómara í Westminster í Lundúnum, en hann var handtekinn í sendiráði Ekvadórs í borginni í morgun eftir að stjórnvöld í Ekvadór ákváðu að hætta að veita honum pólitískt hæli. Assange hafði dvalið í sendiráðinu, undir verndarvæng Ekvadóra, í sjö ár.

Frétt af mbl.is

Búið að handtaka Assange

Fylgst er með dómshaldinu í beinni útsendingu á vef Guardian. Assange sagðist rétt í þessu „ekki sekur“ um það, sem varð tilefni upprunalegrar handtöku hans kl. 10:15 að staðartíma í morgun, að hafa ekki mætt fyrir dómara á tilsettum tíma árið 2012. Dómari hefur þegar kveðið upp sinn dóm og dæmt Assange sekan, í því máli, samkvæmt fréttamanni BBC á staðnum.

Frétt af mbl.is

Julian Assange fundinn sekur

Julian Assange veifaði til fjölmiðlamanna úr aftursæti lögreglubíls, er honum var ekið úr sendiráði Ekvadórs og í Westminster-dómshúsið í dag. AFP

Kristinn Hrafnsson, ritstjóri WikiLeaks, sagði í samtali við mbl.is fyrr í dag, það sem nú hefur verið staðfest, að hann teldi að ákæran á hendur Assange snerist um samstarf WikiLeaks við Manning árið 2010.

„Þetta snýr að starfi hans og Wiki­Leaks í blaðamennsku, að birta staðreynd­ir um stríðsglæpi, staðreynd­ir sem aug­ljós­lega þjóna al­manna­hags­mun­um að séu birt­ar,“ sagði Kristinn, sem tók við af Assange sem ritstjóri uppljóstrunarsíðunnar í fyrra.

Frétt af mbl.is

Handtakan ógni öryggi blaðamanna

Í tilkynningu yfirvalda vestanhafs kemur fram, að í ákæru á hendur Assange segi að hann hafi í marsmánuði árið 2010 lagt á ráðin um það ásamt Chelsea Manning að „hakka“ lykilorð sem veitti aðgang að leynigögnum bandarískra yfirvalda. Manning, samkvæmt ákærunni, hafði greiðan aðgang að tölvum hersins, enda starfaði hún þar sem sérfræðingur í leyniþjónustu hersins.

Tengdar fréttir

Wikileaks - Julian Assange

Assange: Bakslag fyrir blaðamennsku víða

• Assange: Sekur um að hafa stundað blaðamennsku
• Assange snýr aftur til Evrópu
• Þórhildur Sunna fagnar miklum áfangasigri
• Glöð að Assange sé frjáls þrátt fyrir ásökunina

» Fleiri tengdar fréttir

Chelsea Manning

Sautján nýjar ákærur á hendur Assange

• Manning fangelsuð fyrir að neita að bera vitni
• Þrjóturinn sem tilkynnti Manning látinn
• Manning vill á þing
• Hættir vegna Manning

» Fleiri tengdar fréttir

• Blogga um frétt