Efna til samkeppni um hönnun turnspírunnar
Setja bókamerki
Frakkar ætla að bjóða arkitektum hvaðanæva að úr heiminum til að koma með tillögur að endurbyggingu turnspíru Notre Dame-dómkirkjunnar sem eyðilagðist í eldsvoðanum í fyrradag. Þetta segir forsætisráðherrann, Edouard Philippe.
Markmiðið með samkeppninni er að fá Notre Dame nýja turnspíru sem er aðlöguð að tækni og áskorunum okkar tíma,“ sagði Philippe í samtali við fréttamenn í dag. Í gær hét Emmanuel Macron forseti landsins því að kirkjan yrði endurbyggð „jafnvel enn fegurri en áður“ á innan við fimm árum.
Þúsundir ferðamanna og Parísarbúa horfðu angistarfullir á það á mánudag er eldurtungur umluku hina 850 ára gömlu kirkju. Fimmtán klukkustundir tók að slökkva eldinn að fullu og eru skemmdir á kirkjunni gríðarmiklar.
Fljótlega eftir að slökkviliðsmenn höfðu slökkt í síðustu glæðunum fóru vilyrði fyrir fjárgjöfum til endurbyggingarinnar að streyma inn. Á einum sólarhring höfðu 800 milljónir evra safnast, m.a. frá auðkýfingum og stórfyrirtækjum.
Kílómetragjald: „Mikilvægt að málið verði klárað fyrir þinglok“
Konur og börn „næstum 70%“ látinna á Gasa
Engin læknisþjónusta á heilsugæslunni í verkfalli
„Áhugavert að sjá skjálfta þarna“
Deiliskipulag úr gildi
Bindur vonir við að koma fjárlögunum í gegn
Fordæma árásir á ísraelska áhangendur