Árásum á hinsegin fólk hefur fjölgað mikið í Frakklandi og hafa aldrei verið jafnmargar og á síðasta ári. Svart ár fyrir LGBT-samfélagið segja formenn samtakanna SOS Homophobie.

Alls var skráð 231 líkamsárás á LGBT-fólk í Frakklandi í fyrra og hafa þær aldrei verið fleiri en þeim fjölgaði um 66% frá árinu á undan. Þar á undan höfðu árásirnar verið flestar árið 2013 er þær voru 188 talsins. Það ár voru sett ný lög í Frakklandi sem heimila hjónabönd samkynhneigðra. 

„2018 var svart ár fyrir LGBT-fólk,“ segja þau  Véronique Godet og Joël Deumier, formenn SOS Homophobie samtakanna í ársskýrslu.  

SOS Homophobie samtökin reka hjálparlínu og bjóða upp á lögfræðiaðstoð en alls bárust vitnisburðir fyrir rúmlega 1900 manns sem höfðu orðið vitni að mismunun í garð samkynhneigðra í fyrra. Það er 15% aukning á milli ára.

Tengdar fréttir

Réttindabarátta hinsegin fólks

Kynhlutlausa táknið gæti fæðst á Íslandi

• Vitundarvakning þolir enga bið
• Mjög alvarlegt ef um hatursglæp er að ræða
• Stenst stjórnarskrá að banna samkynja hjónabönd
• Stjórnvöld brjóta stjórnarskrávarinn rétt fólks

» Fleiri tengdar fréttir

• Blogga um frétt