Trump vill ekki að McGahn beri vitni
Setja bókamerki
Donald Trump Bandaríkjaforseti beinir til Donald F. McGahn, fyrrveranda ráðgjafa í Hvítahúsinu, að hunsa stefnu til að mæta fyrir þingnefnd Bandaríkjaþings vegna umfjöllunar um skýrslu Robert Muellers vegna meinta afskipta Rússa af bandarísku forsetakosningunum.
New York Times greindi frá því fyrir tíu dögum að í apríl báðu embættismenn í Hvíta húsinu McGahn að minnsta kosti tvisvar sinnum um að segja opinberlega að hann hafi aldrei talið að forsetinn hefði hindrað framgang réttvísinnar, en McGahn, sem var fyrsti ráðgjafi forsetans í Hvíta húsinu, er lykilvitni í skýrslu Muellers. McGagn hafnaði beiðninni.
Sarah Sanders, starfsmannastjóri í Hvíta húsinu, segir að Hvíta húsið líti svo á að „ekki sé hægt að skikka McGahn til að mæta fyrir þingnefndina.“
Í skýrslu Muellers segir meðal annars að McGahn hafi sagt að Trump hafi hringt í hann oft og mörgum sinnum í júní 2017 og sagt honum að skipa dómsmálaráðuneytinu að reka Mueller. McGahn varð ekki við beiðninni.
Frá því að skýrsla Muellers kom út í síðasta mánuði hafa Demókratar á þingi haldið því fram að vitnisburður McGahn í skýrslunni varpi ljósi á tilraunir Trump til að hindra framgang réttvísinnar. Því vilja þeir að McGahn komi fyrir nefndina.
Ekki liggur ljóst fyrir hvort McGahn muni fara eftir skipun Hvíta hússins, og þar með Trump, og neita að koma fyrir nefndina.
Hraun kemur úr þremur gígum: Virknin stöðug
/frimg/1/53/8/1530849.jpg)
Fatlaður drengur fær ekki þjónustu í verkfalli
Hótar Bretum og Bandaríkjamönnum
Nýtt fangelsi í landi Stóra-Hrauns tilbúið 2028
Dómur þyngdur um þrjú ár
Sólveig Anna furðar sig á aðferðum kennara
Drónamyndskeið frá hápunkti gossins í nótt