Þrjú stærstu flugfélög Kína hafa höfðað skaðabótamál á hendur bandaríska flugvélaframleiðandanum Boeing vegna kyrrsetningar og tafa á afhendingu 737 MAX 8-farþegaþota félagsins í kjölfar tveggja mannskæðra flugslysa. Greint er frá þessu í kínverskum fjölmiðlum í dag.

Um er að ræða flugfélögin China Southern Airlines, China Eastern Airlines og Air China. Talsmaður China Eastern staðfestir þetta við AFP-fréttastofuna en ekki er upplýst hve háar fjárhæðir flugfélögin gera kröfu um frá Boeing.

11. mars varð Kína fyrsta ríki heims til þess að kyrrsetja 737 MAX-þotur flugfélaga í landinu en daginn áður hafði þota Ethiopian Airlines brotlent fljótlega eftir flugtak í Addis Ababa og létust allir um borð, alls 157 manns. Meðal þeirra sem voru um borð voru átta Kínverjar. 

Samkvæmt frétt Xinhua hefur kyrrsetningin haft gríðarleg fjárhagsleg áhrif á rekstur flugfélaganna og eykst kostnaðurinn jafnt og þétt. 

Tengdar fréttir

Farþegaþota Lion Air fórst

Hluthafar höfði mál gegn stjórn Boeing

• Ryanair gerði stórinnkaup á 737 MAX-vélum
• Maxinn fer í loftið í vor
• Lögðu líf almennings í hættu
• Fjölskyldurnar ósáttar með ákvörðun Boeing

» Fleiri tengdar fréttir

Boeing

Höfnuðu samningnum og samþykktu verkfall

• Boeing frestar flugprófunum á 777X-breiðþotu
• Boeing játar sök
• Samþykktu umdeildan launapakka
• Rannsaka hvort starfsmenn hafi falsað gögn

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Ísjakinn rís í Max-málinu.