„Aðgerðaleysi hans kostaði mannslíf“
Setja bókamerki
Lögreglumaður sem gegndi starfi vopnaðs öryggisvarðar í Marjory Stoneman Douglas-framhaldsskólanum í Parkland í Flórída, þar sem 14 nemendur og þrír kennarar voru skotnir til bana í árás í fyrra, hefur verið handtekinn og ákærður fyrir aðgerðaleysi.
Scot Peterson var á vakt þegar fyrrverandi nemandi við skólann skaut 14 nemendur og þrjá kennara við skólann til bana á Valentínusardaginn, 14. febrúar, í fyrra.
Þegar skothríðin hófst stóð Peterson aðgerðalaus fyrir utan skólann. Í rannsókn lögreglu kemur fram að Peterson haldi því fram að hann hafi ekki vitað hvaðan skothvellirnir komu. Í gögnum lögreglu kemur fram að Peterson „gerði ekki nokkurn skapaðan hlut“ meðan á árásinni stóð.
Skömmu eftir árásina kallaði Donald Trump Bandaríkjaforseti Peterson „heigul“ fyrir að bregðast ekki við.
„Aðgerðaleysi hans kostaði mannslíf, án efa,“ segir Rick Swearinger, yfirmaður lögreglunnar í Flórída.
Peterson sagði starfi sínu lausu stuttu eftir árásina þegar lögregluyfirvöld höfðu birt myndskeið þar sem Peterson sést bíða fyrir utan skólann á meðan árásin átti sér stað. Peterson hefur nú verið ákærður í ellefu liðum. Sjö liðir ákærunnar snúa að vanrækslu á börnum, þrír að vítaverðu gáleysi og einn að því að bera ljúgvitni.
Samningafundur eftir 17 daga hlé
„Þetta er auðvitað mjög alvarlegt mál“
65 fyrirtæki með 11,1 milljarð í skattafrádrátt
Skrítið að enn er bara eitt úrræði í boði
Kosningaspá: Þrír flokkar skilja sig frá
Erfitt að rifja atvikið upp
„Það þarf ekki að hækka skatta“
