Sú mikla loftmengun sem hangir yfir indverskum bæjum og borgum verður yfir 100 þúsund börnum undir fimm ára aldri að bana á hverju ári. Þetta kemur fram í skýrslu sem var birt í morgun.  

Miðstöð vísinda- og umhverfismála (CSE) í borginni Delí skrifaði skýrsluna sem var birt í tímaritinu State of India´s Environment.

Indland hefur verið aftarlega á merinni hvað umhverfismál varðar og í skýrslu Sameinuðu þjóðanna í fyrra kom fram að 14 af 15 menguðustu borgum veraldar væru indverskar. Þrátt fyrir ákall víða að úr heiminum skautuðu indverskir stjórnmálamenn að mestu framhjá vandanum í síðustu þingkosningum.

Fólk á ferðinni í Delí. AFP

Í skýrslunni sem var birt í morgun kemur fram að loftmengun veldur 12,5% allra dauðsfalla í landinu. Einnig kom þar fram að um 86% vatnsbóla á Indlandi væru „alvarlega menguð“ og að þróun varðandi endurnýjanlega orku í landinu væri lítil.

Í síðasta mánuði voru 280 þúsund rafknúin faratæki á Indlandi sem er aðeins brot af markmiði sem hljóðaði upp á 15 til 16 milljónir árið 2020.

Útblástur gróðurhúsalofttegunda í landinu jókst um rúm 20 prósent á árunum 2010 til 2014, að því er segir í skýrslunni.

Tengdar fréttir

Loftslagsvá

„Kæra fullorðna fólk“

• „Börn eru að upplifa holskeflu breytinga“
• Yfir 1.000 jöklar bráðnað í landinu
• „Við erum á leið til glötunar“
• Berjast áfram gegn hlýnun þrátt fyrir sigur Trumps

» Fleiri tengdar fréttir

• Blogga um frétt