Rúmlega 400 manns hafa verið handtekin fyrir að taka þátt í mótmælagöngu í miðborg Moskvu og er Al­ex­ei Navalny, leiðtogi rúss­nesku stjórn­ar­and­stöðunn­ar, í hópi þeirra. Var handtökunum ætlað að leysa upp gönguna, sem efnt hafði verið til til að hvetja til pólitískra umbóta í kjölfar þess að rann­sókn­ar­blaðamaður­inn Ivan Golunov var handtekinn í síðustu viku eftir að hafa verið sakaður um fíkniefnasölu.

AFP-fréttveitan segir handtöku Golunov hafa vakið reiði hjá mörgum Rússum, sem hafi með mótmælunum viljað þrýsta a raunverulegar umbætur á spilltu dóms- og réttarkerfi landsins. Golunov var sleppt úr haldi í gær.

Mótmælendur koma saman í miðborg Moskvu. AFP

Frétt af mbl.is

Næstum 100 handteknir í Rússlandi

Mun minni hópur mótmælenda tók þátt í mótmælunum í dag, en þann dag fagna Rússar þjóðhátíðadegi sinum og voru ekki allir sáttir við að mótmælt yrði þann dag.

Segir AFP óeirðalögreglu hafa tekið harkalega á sumum mótmælendum og hafa barið aðra með lögreglukylfum, en nokkrir mótmælendur hrópuðu slagorð gegn Vladimír Pútín Rússlandsforseta.

Frétt af mbl.is

Rannsóknarblaðamaðurinn laus allra mála

Sagði lögregla fyrr í dag að um 1.200 manns hefðu tekið þátt í mótmælunum og að um 200 þeirra hefðu verið handteknir.

Að sögn talskonu Navalnys á hann allt að 30 daga fangavist yfir höfði sér.

Tengdar fréttir

Rússland

Setja Rússum stólinn fyrir dyrnar

• Segjast hafa stöðvað bandarískar sprengjuflugvélar
• Gershkovich hlýtur 16 ára dóm í Rússlandi
• Gagnrýna Rússlandsheimsókn harðlega
• Kínverjar og Rússar með heræfingar

» Fleiri tengdar fréttir

• Blogga um frétt