22. september næstkomandi verður bílalaus dagur í bresku höfuðborginni London. Verður um 20 kílómetra vegsvæði í miðborginni lokað og fjölmargir viðburðir verða haldnir á bílalausum vegum. Þá hafa 18 af 32 úthverfum London greint frá þátttöku sinni í deginum og verða vegir þar gerðir að „Leikgötum“ þar sem börn geta safnast saman og leikið sér á öruggan hátt.

Sadiq Khan, borgarstjóri London, greindi frá áformunum fyrr í dag eftir því sem fram kemur á vef CNN, og er dagurinn liður í aðgerðum yfirvalda að draga úr mengun og svifryki í borginni, auk þess sem borgarar fái tækifæri til að „endurupplifa“ borgina.

Yfir tvær milljónir íbúa í London eru búsettir á svæðum þar sem niturdíoxíð magnið er yfir löglegu hámarki, þeirra á meðal eru 400.000 börn undir átján ára aldri.

Samkvæmt skýrslu um loftgæði á heimsvísu er loftmengun fimmta algengasta dánarorsök í heiminum og veldur til að mynda fleiri dauðsföllum en áfengi, eiturlyf og vannæring.

Skrifstofa borgarstjóra tilkynnti í apríl að ökutæki séu ábyrg fyrir um helmingi af því skaðlega magni niturdíoxíð sem finna má í andrúmslofti London og ýtir undir aukna tíðni ýmissa heilsufarsvandamála á borð við astma, krabbamein og heilabilanir.

Í apríl varð London fyrsta borgin í heiminum til að kynna fyriráætlanir um sérstakt svæði í borginni þar sem útblástur ökutækja verður að vera undir ákveðnu marki og verða eigendur þeirra ökutækja sem ekki uppfylla strangar kröfur um magn útblásturs sektaðir.

Tengdar fréttir

Umhverfisvitund

Heildarflatarmálið stækkar við endurskoðun

• Fanga losun frá stóriðju og nýta í eldsneyti
• BM Vallá og Kapp hlutu umhverfisverðlaun
• Carbfix hlýtur Nýsköpunarverðlaun Íslands
• Hætt við að Ísland nái ekki að uppfylla markmiðin

» Fleiri tengdar fréttir

• Blogga um frétt