Rússar greindu frá því í dag að vísindamenn hefðu gómað soltinn ísbjörn sem fannst ráfandi um í borginni Norilsk í norðurhluta Rússlands á dögunum. Björninn var mörg hundruð kílómetra frá náttúrulegum heimkynnum sínum. Dýrinu verður komið í dýragarð.

Samkvæmt myndum og myndskeiðum af birninum virtist hann ráðvilltur þar sem hann leitaði að æti í Norilsk, sem er nyrsta borg í heimi.

Frétt af mbl.is

Ráfandi ísbjörn í rússneskri borg

Fram kemur í frétt AFP að ísbirnir hafi orðið tíðari gestir í bæjum og borgum í norðurhluta Rússlands vegna loftslagsbreytinga. Er það talið vera vegna þess að þeir finna ekki nægilegt æti og leiti því annað, þar sem þeir sjáist meðal annars skófla í sig úr ruslatunnum.

Dýralæknar skoða nú dýrið sem ráfaði um götur Norilsk. Áætlanir gera ráð fyrir því að það verði sent í dýragarð í borginni Krasnoyarsk á morgun.

Í yfirlýsingu kom fram að dýrið væri of veikburða til að hægt væri að hleypa því aftur á náttúruleg heimkynni sín. 

Tengdar fréttir

Loftslagsvá

„Kæra fullorðna fólk“

• „Börn eru að upplifa holskeflu breytinga“
• Yfir 1.000 jöklar bráðnað í landinu
• „Við erum á leið til glötunar“
• Berjast áfram gegn hlýnun þrátt fyrir sigur Trumps

» Fleiri tengdar fréttir

• Blogga um frétt