Alexei Navalny, leiðtogi rússnesku stjórnarandstöðunnar, var í dag dæmdur í tíu daga fangelsi af dómstóli í Moskvu fyrir að taka þátt í mótmælum til stuðnings blaðamanninum Ivan Golunov 12. júní síðastliðinn.

„Tíu dagar fyrir að mótmæla lögleysunni,“ skrifaði Navalny á Twitter-síðu sína eftir að dómurinn var kveðinn upp, en hann var einn af yfir fjögur hundruð mótmælendum sem voru handteknir í kjölfar friðsamlegra mótmæla til stuðnings Golunov í síðasta mánuði.

Frétt af mbl.is

400 handteknir í mótmælum í Moskvu

Rússnesk stjórnvöld féllu frá ákæru á hendur Golunov og slepptu honum úr haldi í kjölfar mótmælanna.

Navalny er ekki ókunnur því að dvelja í fangelsi fyrir það eitt að taka þátt í mótmælum í Rússlandi, en í fyrra fékk hann tvo dóma fyrir mótmæli gegn stjórnvöldum og sat inni í samtals 50 daga vegna þeirra.

Tengdar fréttir

Al­ex­ei Navalní

Vill sjá Pútín á bak við lás og slá

• Vissi að hann myndi deyja í fangelsi
• Navalní átti að vera hluti af fangaskiptunum
• Rússar vilja handtaka ekkju Navalnís
• Handteknir fyrir að starfa fyrir teymi Navalnís

» Fleiri tengdar fréttir

• Blogga um frétt