Á annað hundrað Nýsjálendinga afhenti nýsjálenska ríkinu sjálfvirk og hálfsjálfvirk skotvopn sín gegn greiðslu í morgun, þegar fyrsti áfangi byssukaupáætlunar ríkisins í kjölfar árásanna í Christchurch, þar sem 51 lést, hófst.

Alls skiluðu 169 Nýsjálendingar 224 skotvopnum í þessari fyrstu umferð og fengu fyrir það greitt andvirði 37 milljóna íslenskra króna, en til stendur að ríkið standi fyrir yfir 250 viðburðum víða um land þar sem landsmenn geta skilað skotvopnum sínum gegn greiðslu. 

Innan við fjórir mánuðir eru síðan árásarmaður réðst inn í tvær moskur í bænum Christchurch og hóf skotárás á múslíma við bænir. Eins og áður segir lá 51 í valnum eftir árásirnar og brást ríkisstjórn landsins hratt við með nýrri löggjöf sem bannar kaup, eign og notkun óbreyttra borgara á sjálfvirkum og hálfsjálfvirkum skotvopnum.

Frétt af mbl.is

Hálfsjálfvirk skotvopn bönnuð með öllu

Samhliða löggjöfinni var áætlun um byssukaup ríkisins kynnt, en jafnvirði 17 milljarða íslenskra króna verður veitt til áætlunarinnar.

Tengdar fréttir

Hryðjuverk á Nýja-Sjálandi

Fjöldamorðingi áfrýjar lífstíðardómi

• Gagnrýnir kvikmynd um viðbrögð sín við hryðjuverkum
• Einblíndu of mikið á íslamista
• Mun aldrei ganga laus að nýju
• „Þú munt deyja einn“

» Fleiri tengdar fréttir

• Blogga um frétt