Handtekinn vegna morðs á Krít

Karlmaður á þrítugsaldri hefur játað á sig morðið á bandaríska sameindalíffræðingnum Suzanne Eaton. Lík hennar fannst í síðustu viku í neðanj­arðarbyrgi á Krít, sem síðast var notað af nas­ist­um meðan á seinni heims­styrj­öld­inni stóð.

Maðurinn, sem býr á grísku eyjunni, hefur verið handtekinn.

Frétt af mbl.is

Lík fannst í neðanjarðarbyrgi nasista

Eaton ferðaðist til Krítar til að vera viðstödd ráðstefnu. Samstarfsfólk tilkynnti um hvarf hennar 2. júlí þegar hún skilaði sér ekki til baka eftir að hafa farið út að skokka.

Lík hennar fannst sex dögum eftir að tilkynnt var um hvarfið. Talið er að Eaton hafi kafnað en lögregla greindi frá því að auk þess hefðu stungusár verið á líkinu.

Árásarmaðurinn er grunaður um að hafa ætlað að misnota Eaton kynferðislega.

Lögregla rannsakar hvar Eaton var myrt en talið er að hún hafi verið flutt inn í byrgið eftir að hún lést.

• Blogga um frétt