Robert Mueller, sérstakur saksóknari FBI, verður í dag yfirheyrður í beinni útsendingu af tveimur bandarískum þingnefndum vegna skýrslu hans um afskipti rússneskra ráðamanna af bandarísku forsetakosningunum 2016.

Fyrri yfirheyrslan yfir Mueller, sem sjálfur hefur sagt skýrsluna vera sinn vitnisburð, hefst klukkan 8.30 að staðartíma. Mun dómsmálanefndin yfirheyra hann fyrst, en síðan tekur njósnanefnd fulltrúadeildarinnar við.

Frétt af mbl.is

Sagt að halda sig við efni skýrslunnar

Mueller hefur fengið þau skilaboð frá dómsmálaráðuneytinu að halda sig í vitnisburði sínum innan marka þeirrar ritskoðuðu útgáfu skýrslunnar sem ráðuneytið gaf út og sjálfur hefur Mueller sagst munu ræða eingöngu það sem fram komi í skýrslunni, en í rannsókn hans var m.a. að finna ítarlega útlistun á samskiptum milli starfsfólks framboðs Trumps og rússneskra ráðamanna.

Reuters segir því mikið í húfi fyrir þingmenn demókrata, sem íhuga að ákæra forsetann, sem og Trump sjálfan.

Frétt af mbl.is

Vilja að Mueller gæði skýrsluna lífi

Ólíklegt þykir að Mueller eigi eftir að varpa nokkrum sprengjum með vitnisburði sínum, en demókratar í fulltrúadeildinni vonast engu að síður til að vitnisburður hans muni auka stuðning við rannsókn þeirra á forsetanum og stjórn hans.

Vonast þeir til að vitnisburður Muellers um afskipti Rússa og það hve viljugir starfsmenn framboðs Trumps voru að þiggja aðstoð frá Moskvu verði sannfærandi, sem og af tilraunum forsetans til að standa í vegi fyrir rannsókn Muellers og hvort það megi flokkast sem hindrun réttvísinnar.

Tengdar fréttir

Rannsókn Robert Muellers

„Roger Stone er nú frjáls maður!“

• Stone dæmdur sekur í WikiLeaks málinu
• Þingið fær óritskoðaða skýrsluna
• Rússarannsókn Mueller rannsökuð
• Trump segir Comey að skammast sín

» Fleiri tengdar fréttir

• Blogga um frétt