Fær milljarða fyrir múrinn
Setja bókamerki
Donald Trump Bandaríkjaforseta og ríkisstjórn hans er heimilt að nýta 2,5 milljarða Bandaríkjadala af fjárveitingum til að byggja upp múr á landamærunum við Mexíkó. Hæstiréttur Bandaríkjanna komst að þessari niðurstöðu í gærkvöld.
Sneri Hæstiréttur þar niðurstöðu lægri dómsstiga sem áður höfðu sagt að ríkisstjórn Trump væri ekki heimilt að nýta féð í múrinn vegna þess að þingið hefði ekki úthlutað því beint til verksins.
Trump fagnaði niðurstöðu Hæstaréttar á Twitter og sagði þetta „stóran sigur“.
Fimm dómarar Hæstaréttar komust að þeirri niðurstöðu að ríkisstjórninni væri heimilt að nýta peninga til að byggja upp múrinn. Fjórir voru hins vegar á móti því.
Nancy Pelosi, forseti fulltrúadeildar Bandaríkjaþings, var ósátt við niðurstöðu Hæstaréttar og sagði að með henni væri Trump leyft að stela fjármunum til að byggja upp tilgangslausan múr.
Stærstu mannúðarsamtök Bandaríkjanna ACLU og umhverfissamtök vestanhafs heita því að halda áfram að berjast gegn því að múrinn rísi.
Leiðindaveður yfir jólahátíðina
Í þögn hjartans
Ríkisstjórnin ekki beint á leiðinni í jólafrí
Neitaði sök um morð og hryðjuverk
Strandveiðar „efnahagsleg sóun“
Í vinnunni á aðfangadagskvöldi í 25 ár
Ofmeta sparnað í stjórnarráðinu