Aftur flogið til Kaíró

Breska flugfélagið British Airways hefur hafið flug til Kaíró, höfuðborgar Egyptalands, á ný eftir að hafa fellt þau niður í rúma viku af öryggisástæðum. Í tilkynningu frá félaginu segir að það hafi „yfirfarið öryggistilhögun sína“, án nánari skýringa á því hvað er átt við.

Frétt af mbl.is

Fljúga ekki til Kaíró af öryggisástæðum

Flug British Airways til Kaíró hafði legið niðri frá 20. júlí. Breska utanríkisráðuneytinu varar ferðalanga við flugi til Egyptalands. Aukin hætta sé á hyrðjuverkum gegn loftförum. Þá ræður ráðuneytið fólki alfarið frá ferðum til sumra svæða innan Egyptaland, en Kaíró tilheyrir þeim ekki.

Svæðunum var bætt á listann eftir að rússnesk flugvél var sprengd í loft upp yfir Sinai-skaga á Egyptalandi árið 2015. Hefur það þó ekki komið í veg fyrir að um 450.000 breskir borgarar ferðuðust til landsins sögufræga í fyrra, flestir til Kaíró eða sumardvalarstaða við Rauðahafið.

• Blogga um frétt