Donald Trump Bandaríkjaforseti hefur boðið Vladimír Pútín Rússlandsforseta aðstoð við að slökkva gróðureldana sem nú geisa í Síberíu.

Rússnesk stjórnvöld greindu frá þessu í gær og sögðust taka það sem merki um að bæta mætti samskipti þjóðanna, sem hafa verið nokkuð stirð undanfarna mánuði.

Frétt af mbl.is

Herinn aðstoðar vegna skógarelda

Reuters segir leiðtogana tvo hafa ræðst við símleiðis að frumkvæði Bandaríkjanna og barst símtalið nokkrum klukkustundum eftir að Pútín skipaði rússneska hernum að aðstoða slökkviliðsmenn við að ráða niðurlögum eldanna.

Eldarnir hafa þegar náð að dreifast yfir landsvæði sem er um þrjár milljónir ekra að stærð. Loga eldarnir að mestu í afskekktum skógum á svæði sem er á stærð við Belgíu. Reykinn leggur yfir nágrannahéruð og hefur neyðarástandi verið lýst yfir á nokkrum stöðum.

„Bandaríkjaforseti bauð Rússlandi aðstoð í baráttunni gegn gróðureldunum í Síberíu,“ sagði í yfirlýsingu frá stjórnvöldum í Kreml og var Pútín sagður hafa lýst yfir „einlægu þakklæti“. „Pútín sagði Trump að Moskva myndi þiggja boð hans ef nauðsyn krefði.“

Pútín hafi tekið þessu frumkvæði Bandaríkjaforseta þannig að „í framtíðinni verði hægt að endurvekja full tengsl ríkjanna tveggja“.

Tengdar fréttir

Rússland

Segja Norður-Kóreumenn hafa haft lítil áhrif

• Norðurkóreskir hermenn drepnir í stríði Rússa
• Sammála um að koma þurfi á „varanlegum friði“
• Norðurkóreskir hermenn felldir í Evrópu
• Ákærður, fundinn sekur og myrtur

» Fleiri tengdar fréttir

Donald Trump verðandi Bandaríkjaforseti

Aukning varnarútgjalda „kaldhæðni örlaganna“

• Traustur vinur Trumps sakaður um að sofa hjá barni
• Segir að verið sé að svindla á Bandaríkjunum
• Trump fær greiddar bætur
• Mótfallinn notkun Úkraínuhers á langdrægum eldflaugum

» Fleiri tengdar fréttir

• Blogga um frétt