„Þetta er það eina sem fólk ræðir um á götunum. Það fylgir því kannski ekki hræðsla heldur frekar óþægindatilfinning að upplifa þrjá stóra gróðurelda á stuttum tíma,“ segir Birgitta Ósk Pétursdóttir, fararstjóri hjá Vita, en hún býr á Gran Canaria, einni Kanaríeyjanna.

Gróðureldarnir þar virðast nú stjórnlausir.

Frétt af mbl.is

Stjórnlausir gróðureldar á Gran Canaria

Birgitta segir að fólk hafi verið í áfalli út af fyrsta gróðurbrunanum sem talið hafi verið að væri sá stærsti sem kviknað gæti. Áfallið sé því meira þegar nýir eldar og enn stærri geisi.

Birgitta býr á suðurhluta eyjarinnar þar sem flest hótelin og ferðamennirnir eru. Hún segir þó að eldarnir sjáist frá þjóðvegum á kvöldin og slökkvistarfið fari ekki fram hjá nokkrum manni því þyrlur séu í stöðugum flutningum með vatn frá ströndinni.

Yfir 8.000 íbúar hafa þurft að yfirgefa heimili sín og einhver hús hafa brunnið en ekki er vitað um slys á fólki. Eldurinn hefur farið yfir um sex þúsund hektara svæði og hefur meðal annars náð inn í þjóðgarða og ógnar náttúruverndarsvæðum.

AFP

Tengdar fréttir

Gróðureldar á Kanaríeyjum

Íbúar á Kanarí geta farið heim

• Dregur úr gróðureldum á Gran Canaria
• Stjórnlausir gróðureldar á Gran Canaria
• 5.000 fluttir á brott á Kanarí vegna elda
• Um 300 Íslendingar á Gran Canaria

» Fleiri tengdar fréttir

• Blogga um frétt