Vonast eftir samningi innan 30 daga
Angela Merkel og Boris Johnson.
AFP
Setja bókamerki
Angela Merkel, kanslari Þýskalands, vonast til að nýtt samkomulag um brotthvarf Breta úr Evrópusambandinu, Brexit, geti náðst innan þrjátíu daga.
Nýja samkomulagið myndi fela í sér aðra lausn en þá sem lögð hefur verið fram varðandi landamæri Norður-Írlands og Írlands.
„Kannski getum við gert þetta innan þrjátíu daga, hvers vegna ekki?” sagði Merkel á blaðamannafundi í Berlín með breska forsætisráðherranum Boris Johnson.
Johnson kvaðst vera „meira en ánægður” með þennan „frábæra tímaramma”. Hann fór þess nýlega á leit við Evrópusambandið enn á ný að varnaglinn um landamærin yrði tekinn út úr útgöngusamningnum en þeim óskum hefur ekki verið mætt.
Að öllu óbreyttu fara Bretar út úr Evrópusambandinu 31. október án samnings.
AFP
„Við munum grípa inn í“
Björgunarsveitir kallaðar út í nótt
Sex fluttir með þyrlunni og þar af eitt barn
Ekkert ferðaveður og vegalokanir á jóladag
Í vinnunni á aðfangadagskvöldi í 25 ár
Skoða ráðstafanir vegna mikillar kuldaspár
Búið að opna Hellisheiði