Einn helsti gagnrýnandi stjórnvalda í Rússlandi, Alexei Navalní, var látinn laus úr fangelsi í morgun eftir að hafa afplánað 30 daga í fangelsi fyrir að undirbúa mótmælafund. Mótmæli sem hafa orðið að bylgju mótmæla í höfuðborg landsins, Moskvu.

Lögregla var viðstödd þegar hann var látinn laus úr fangelsi í morgun en aðhafðist ekkert ólíkt því sem gert hefur verið þegar aðrir úr stjórnarandstöðunni hafa verið látnir lausir úr haldi undanfarið. Yfirleitt hefur lögreglan handtekið þá fyrir utan fangelsið og fært þá í varðhald að nýju. 

Nalvalní ræddi við fjölmiðlafólk fyrir utan fangelsið og gagnrýndi harðlega viðbrögð yfirvalda sem hafa mætt mótmælendum af hörku undanfarnar vikur í Moskvu.

„Hreyfingin mun halda áfram að vaxa og stjórnin mun sjá verulega eftir því sem hún hefur gert,“ segir Navalní.

Frétt af mbl.is

Hundruð handtekin í mótmælum í Moskvu

Hann var handtekinn í Moskvu 24. júlí fyrir utan heimili sitt en hann var á leið út að hlaupa og ætlaði sér að kaupa blóm handa eiginkonu sinni í leiðinni en hún átti afmæli þennan dag. 

Var eitrað fyrir Alexei Navalní? AFP

Navalní er 43 ára gamall lögfræðingur menntaður í Yale. Hann var dæmdur í 30 daga fangelsi fyrir að hafa brotið lög sem banna skipulagningu mótmælafunda. Navalní var lagður inn á sjúkrahús meðan á afplánun stóð vegna alvarlegra ofnæmisviðbragða en Navalní segir sjálfur að það hafi jafnvel verið eitrað fyrir honum.

Navalní komst fyrst í heims­frétt­irn­ar fyr­ir það að standa fyr­ir mót­mæla­fund­um árin 2011 og 2012 gegn end­ur­komu Pútíns í Kreml. Navalní hlaut næstflest at­kvæði í kosn­ingu til borg­ar­stjóra Moskvu árið 2012.

Tengdar fréttir

Al­ex­ei Navalní

Vill sjá Pútín á bak við lás og slá

• Vissi að hann myndi deyja í fangelsi
• Navalní átti að vera hluti af fangaskiptunum
• Rússar vilja handtaka ekkju Navalnís
• Handteknir fyrir að starfa fyrir teymi Navalnís

» Fleiri tengdar fréttir

• Blogga um frétt