G7-ríkin senda flugvél til Amazon
Setja bókamerki
Leiðtogar G7-ríkjanna hafa komist að samkomulagi um að reiða fram 20 milljónir evra, eða sem nemur um 2,8 milljörðum króna, í baráttunni gegn skógareldunum í Amazon.
Fjármagnið verður að mestu leyti notað til að senda sérútbúna flugvél sem aðstoðar við slökkvistarfið, að því er AFP-fréttastofan hefur eftir heimildarmanni hjá skrifstofu Frakklandsforseta.
Fundi G7-ríkjanna, sem leiðtogar Bretlands, Kanada, Frakklands, Þýskalands, Ítalíu, Japans og Bandaríkjanna sitja, lýkur í Biarritz í Frakklandi í dag. Skógareldarnir í regnskógum Amazon hafa verið fyrirferðarmiklir á samkomu leiðtoganna um helgina og hefur Emmanuel Macron Frakklandsforseti farið þar fremstur í flokki. Hann gagnrýndi til að mynda Jair Bolsonaro, forseta Brasilíu, en hann hefur verið sakaður um að hafa hvatt til skógeyðingar í þágu landbúnaðar.
Leiðtogar G7-ríkjanna komust einnig að samkomulagi um að standa að endurskógrækt á svæðum sem hafa orðið eldunum að bráð og verður það kynnt frekar á loftslagsráðstefnu Sameinuðu þjóðanna í næsta mánuði.
Þungt hugsi yfir ofbeldinu
Alvarlega veikar og greindust að lokum með alnæmi
Oddvitaviðtöl í Reykjavík suður
Ný könnun: Sjálfstæðisflokkur dalar enn
Einn á slysadeild eftir hópslagsmál
Fimm á sjúkrahús og 62 handteknir í Amsterdam
Endurskoða starfsleyfi bálstofu kirkjugarðanna