Útilokar ekki hernað

Boris Johnson, forsætisráðherra Bretlands, segir Írana bera ábyrgð á dróna- og eldflaugaárásum sem gerðar voru á tvær olíu­vinnslu­stöðvar rík­is­olíu­fé­lags Sádi-Ar­ab­íu, Aramco, fyrir rúmri viku. Johnson fundar með forseta Írans síðar í vikunni.

Johnson útilokar ekki að gripið verði til hernaðaraðgerða gegn Írönum vegna málsins.

Banda­rík­in saka Íran um að bera ábyrgð á árás­un­um en stjórn­völd í Íran hafa ít­rekað hafnað öll­um ásök­un­um um aðild sína og for­seti Írans, Hass­an Rou­hani, forseti Írans, seg­ir Jemena á bak við árás­irn­ar og að með þeim vilji árás­ar­menn­irn­ir vara við frek­ari hernaðaraðgerðum vegna hernaðar Sádi-Ar­aba, með stuðningi Banda­ríkja­manna, í Jemen.

Frétt af mbl.is

Minnir á smærri útgáfu af Chernobyl

Johnson sagði að það væri mjög líklegt að ábyrgðin væri Írana. Hann sagði að Bretar myndu fylgjast með til hvaða aðgerða Bandaríkin og Sádi-Arabía vildu grípa.

Í því samhengi væru hernaðaraðgerðir ekki útilokaðar en Johnson nefndi einnig viðskiptaþvinganir.

Johnson fundar með Emmanuel Macron Frakklandsforseta og Angelu Merkel, kanslara Þýskalands, á allsherjarþingi Sameinuðu þjóðanna í dag. Auk þess mun hann síðar funda með Donald Trump Bandaríkjaforseta þar sem árásirnar verða ræddar.

Frétt Telegraph.

• Blogga um frétt