Bandaríkin styðji ekki hernað Tyrkja í Sýrlandi
Setja bókamerki
Tengdar fréttir
Sýrland
Varnarmálastofnun Bandaríkjanna segir Bandaríkin ekki styðja hernaðaraðgerðir Tyrkja í norðurhluta Sýrlands. Þvert á móti hafi þau komið Tyrkjum í skilning um að slíkar aðgerðir myndu draga úr stöðugleika á svæðinu.
Þá hefur háttsettur embættismaður í sendiráði Bandaríkjanna sagt að mjög lítill hluti hermanna Bandaríkjahers verði fluttur frá svæðinu og það mjög stutta vegalengd. „Að öðru leyti er engin breyting á hernaði okkar í norðausturhluta [Sýrlands].“
„Þurrkar út“ efnahag Tyrkja fari þeir yfir strikið
Í kjölfar símtals Donalds Trump Bandaríkjaforseta og Recep Tayyip Erdogan Tyrklandsforseta í gær tilkynnti sá fyrrnefndi að Bandaríkjaher yrði kallaður frá landamærum Sýrlands og Tyrklands.
Forsetinn hefur hlotið mikla gagnrýni, jafnvel frá eigin stuðningsmönnum, vegna ákvörðunarinnar og er sakaður um að leggja örlög kúrda, aðalbandamenn Bandaríkjahers í stríðinu gegn Ríki íslams í Sýrlandi, í hendur Tyrkja, sem álíta þá hryðjuverkamenn.
Í svari við gagnrýninni á Twitter blæs Trump hins vegar á áhyggjur gagnrýnenda og fullyrðir að ef Tyrkir gangi of langt í aðgerðum sínum muni hann þurrka út efnahag landsins.
Tengdar fréttir
Sýrland
/frimg/1/53/82/1538213.jpg)
„Hálendið eiga menn að skoða“
Strandveiðar „efnahagsleg sóun“
Hellisheiði og Þrengsli ekki opnuð í dag
Í þögn hjartans
Éljagangur en síðan slydda eða rigning
Var að slitna frá bryggju sökum hvassviðris
Feðgar saman í Grænlandstúr á jólum
Ekkert ferðaveður og vegalokanir á jóladag