Flugmenn bandaríska flugfélagsins Southwest Airlines hafa höfðað mál gegn Boeing-flugvélaframleiðandanum. Saka þeir Boeing um að hafa vísvitandi leynt upplýsingum um 737 MAX-þoturnar sem hafa verið kyrrsettar frá því í mars eftir tvö flugslys. 

Tæplega 350 manns létust í flugslysinu í Indónesíu fyrir ári og í Eþíópíu í mars á þessu ári.

Að sögn formanns samtaka flugmanna hjá Southwest Airlines (SWAPA), Jonathan Weaks, verða flugmenn að geta treyst upplýsingum sem koma frá Boeing ef þeir eigi að geta gætt fyllsta öryggis í starfi. „Í tilviki 737 MAX er það alls ekki raunin,“ segir Weaks. 

Kyrrsetning 737 MAX í mars hefur haft áhrif á yfir 30 þúsund flugferðir hjá Southwest og þýtt yfir 100 milljóna Bandaríkjadala launaskerðingu fyrir flugmenn félagsins. 

Ekkert flugfélag í heiminum er með jafn margar 737 MAX-þotur í flota sínum og Southwest. Talið er að þoturnar verði ekki komnar í notkun að nýju fyrr en á næsta ári.

Í málsskjölunum sem lögð voru fram í Dallas í Texas í gær kemur fram að Boeing hafi falsað upplýsingar um flughæfi vélanna. Í báðum flugslysunum lentu flugmennirnir í vandræðum með að stýra þotunum eftir að MCAS-stýri­kerfið var virkjað.

Tengdar fréttir

Sviptivindar í flugrekstri

Verktökum í nýrri byggingu Icelandair boðið í kaffi

• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag

» Fleiri tengdar fréttir

Farþegaþota Lion Air fórst

Hluthafar höfði mál gegn stjórn Boeing

• Ryanair gerði stórinnkaup á 737 MAX-vélum
• Maxinn fer í loftið í vor
• Lögðu líf almennings í hættu
• Fjölskyldurnar ósáttar með ákvörðun Boeing

» Fleiri tengdar fréttir

Boeing

Höfnuðu samningnum og samþykktu verkfall

• Boeing frestar flugprófunum á 777X-breiðþotu
• Boeing játar sök
• Samþykktu umdeildan launapakka
• Rannsaka hvort starfsmenn hafi falsað gögn

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Southwest ætti að kannast við fyrirbærið.