Gyðingahatur líklega ástæða árásarinnar

Árásarmaðurinn sem skaut tvo til bana skammt frá samkunduhúsi gyðinga í þýsku borginni Halle í dag tók árásina upp og deildi á tölvuleikjavefsíðu. Myndefnið er sagt benda sterklega til þess að gyðingahatur hafi verið ástæða árásarinnar.

Frétt af mbl.is

Tveir látnir og einn handtekinn

Samkvæmt heimildum Spiegel er árásarmaðurinn 27 ára gamall maður að nafni Stephan B.

Merkel heimsótti sýnagógu í Berlín til þess að sýna gyðingum samstöðu í kjölfar árásarinnar. AFP

Hann reyndi að ráðast inn í samkunduhúsið þar sem tugir gyðinga voru saman komnir. Þegar hann komst ekki þar inn skaut hann vegfaranda í kirkjugarði og svo gest á kebabstað í nágrenni sýnagógunnar.

Frétt af mbl.is

Skotárás við sýnagógu í Halle

Árásarmaðurinn var handtekinn skömmu síðar og var íbúum í Halle bent á að halda sig innandyra í nokkrar klukkustundir eftir árásina. Neyðarástandinu hefur nú verið aflétt og ríkissaksóknari Þýskalands hefur tekið við rannsókninni sökum alvarleika málsins.

Angela Merkel, kanslari Þýskalands, hefur fordæmt árásina og heimsótti sýnagógu í Berlín í dag til þess að sýna gyðingum stuðning.

Árásarmaðurinn reyndi að ráðast inn í samkunduhúsið þar sem tugir gyðinga voru saman komnir. AFP

• Blogga um frétt