Innrás tyrkneska hersins í annað ríki stangast á við alþjóðalög, ógnar viðkvæmu ástandi á stríðshrjáðu svæði, ýtir undir mannskæðar ofsóknir í garð Kúrda og er líklegt til að styrkja hryðjuverkasamtökin Ríki íslams við botn Miðjarðarhafsins og stuðla að pólitískum óstöðugleika á svæðinu sem mun bitna hvað versta á saklausum borgurum.

Frétt af mbl.is

Hefur miklar áhyggjur af innrás Tyrkja

Þetta segir í yfirlýsingu frá þingflokki Vinstri grænna vegna innrásar Tyrklandshers í Norður-Sýrland.

Þingflokkurinn hvetur ríkisstjórn Íslands til þess að beita sér í hvívetna gegn áframhaldandi stríðsátökum í Sýrlandi, sem muni ávallt bitna mest á börnum og konum, og tala ávallt fyrir friðsamlegri uppbyggingu Sýrlands með aðkomu fjölþjóðlegra stofnana.

„Þingflokkur Vinstri hreyfingarinnar græns framboðs ítrekar mikilvægi friðsamlegrar uppbyggingar í Sýrlandi eftir 8 ára borgarastyrjöld sem kostaði mörg hundruð þúsund mannslíf og hrakti milljónir á flótta, bæði innan og utan Sýrlands.“

Tengdar fréttir

Sýrland

14 starfsmenn ráðuneytis drepnir

• Segja fréttir af skilnaði ósannar
• Engin bein samskipti við sýrlensk stjórnvöld
• Segir Sýrland ekki munu líkjast Afganistan
• Bandaríkin hafa átt í samskiptum við HTS

» Fleiri tengdar fréttir

• Blogga um frétt