Sýrlenskar hersveitir verða sendar að landamærum Sýrlands og Tyrklands til þess að bregðast við innrás tyrkneska hersins eftir að Kúrdar í norðurhluta landsins komust að samkomulagi um það við sýrlenska ráðamenn.

Frétt af mbl.is

Tyrkir herða sókn sína í Sýrlandi

Haft er eftir talsmönnum Kúrda í frétt AFP að allar leiðir séu til skoðunar til þess að verjast árásum Tyrkja. Tyrknesk stjórnvöld líta á hersveitir Kúrda í Sýrlandi sem hryðjuverkamenn og hafa áhyggjur af því að þeim verði beitt gegn Tyrklandi. Kúrdar hafa lengi viljað stofna sjálfstætt ríki og hafa gert kröfu um landsvæði í Tyrklandi, Írak og Íran auk Sýrlands.

Tyrkneskir hermenn í Sýrlandi. AFP

Kúrdar tilkynntu um samkomulagið við stjórnvöld í Sýrlandi í dag. Innrás Tyrkja í Sýrland hófst í kjölfar þess að Bandaríkjamenn drógu til baka herlið sitt af svæðinu. Bandaríkjamenn voru áður bandamenn Kúrda í stríðinu gegn hryðjuverkasamtökunum Ríki íslams. Hafa Kúrdar sakað Bandaríkjamenn um svik.

Kúrdar hafa sagt samkomulag sitt við Sýrlandsstjórn nauðsynlegt til þess að stöðva sókn Tyrkja. Þurfi þeir að velja á milli málamiðlunar við sýrlenska ráðamenn eða útrýmingar fólks síns verði það fyrrnefnda að sjálfsögðu fyrir valinu.

Tengdar fréttir

Sýrland

Forsetafrú með hvítblæði

• Helsti ráðgjafi Hisbollah sá sem ráðinn var af dögum
• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Kúrdar á milli steins og sleggju: Assad eða Erdogan