Pence og Pompeo til Ankara á morgun
Setja bókamerki
Tengdar fréttir
Sýrland
Mike Pence varaforseti Bandaríkjanna og Mike Pompeo utanríkisráðherra fara á morgun til Ankara, höfuðborgar Tyrklands, til að þrýsta á tyrknesk stjórnvöld að stöðva árásir Tyrkja á yfirráðasvæði Kúrda í norðanverður Sýrlandi.
Þetta sagði Donald Trump Bandaríkjaforseti við blaðamenn í dag, en Pence tilkynnti í gær að hann hygðist fara til Tyrklands, án þess þó að greina frá því hvenær sú ferð yrði.
„Þeir fara á morgun. Við erum að biðja um vopnahlé… Við setjum sterkustu refsiaðgerðir sem þú getur ímyndað þér,“ sagði forsetinn við blaðamenn.
Mun Pence meðal annars funda með Recep Tayyip Erdogan Tyrklandsforseta.
Tyrkir hófu lofthernað og sprengjuárásir á yfirráðasvæði Kúrda í síðustu viku. Árásirnar höfðu verið yfirvofandi frá því að Trump tilkynnti, í kjölfar símtals við Erdogan, að hann hefði fyrirskipað að bandarískir hermenn yrðu fluttir frá landamærum Tyrklands og Sýrlands.
Hersveitir Kúrda hafa verið mikilvægir bandamenn Bandaríkjahers í baráttunni við Ríki íslam. Ákvörðun Trump vakti gríðarlega hörð viðbrögð á Bandaríkjaþingi, en margir töldu ákvörðun Trump vera svik við hersveitir Kúrda.
Tengdar fréttir
Sýrland
Æskuvinir sem fóru í víninnflutning frá Georgíu
KEF Spa: „Eitthvað sem þú hefur ekki séð áður“
Fuglager í Grindavík: „Þetta var bara pínu magnað“
Hellisheiði og Þrengsli ekki opnuð í dag
Feðgar saman í Grænlandstúr á jólum
Var að slitna frá bryggju sökum hvassviðris
38 létust í flugslysi
Ekkert ferðaveður og vegalokanir á jóladag