„Ofmetnasti hershöfðinginn“ skaut á Trump
Setja bókamerki
James Mattis, fyrrverandi varnarmálaráðherra Bandaríkjanna, segir það mikinn heiður að hafa verið útnefndur „ofmetnasti hershöfðingi sögunnar,“ af Donald Trump Bandaríkjaforseta. Mattis skaut fast á forsetann á góðgerðarsamkomu í New York í gærkvöldi.
Trump lét ummælin falla á fundi með fulltrúum demókrata og repúblikana í fulltrúa- og öldungadeild Bandaríkjaþings og yfirmönnum í Bandaríkjahers í gær þar sem ákvörðun forsetans að draga herlið Bandaríkjanna frá Sýrlandi var til umræðu.
Þegar Charles Schumer, leiðtogi demókrata í öldungadeildinni, hóf að lesa yfirlýsingu Mattis um mikilvægi þess að halda herliði Bandaríkjanna í Sýrlandi til að koma í veg fyrir uppgang ISIS greip Trump fram í fyrir honum og þaggaði niður í honum með því að segja að Mattis væri „ofmetnasti hershöfðingi sögunnar.“
„Ég er ekki bara ofmetinn hershöfðingi. Ég er ofmetnasti hershöfðingi allra tíma,“ sagði Mattis þegar hann ávarpaði samkomuna og uppskar mikinn hlátur fyrir. Mattis sagði það líka mikinn heiður að vera sagður ofmetinn af forsetanum þar sem hann hefur líka sett stórleikkonuna Meryl Streep í þann flokk.
„En það verður að viðurkennast að við Meryl höfum hrósað sigri á ýmsum sviðum,“ sagði Mattis.
Mattis sagði ummæli forsetans ekki trufla sig og grínaðist hann með tímann sem liðinn er frá því að hann lét af embætti varnarmálaráðherra, eða tæpt ár.
„Endurhæfingarferlið gengur vel, ráðgjafinn segir að ég muni útskrifast bráðum. Ár, samkvæmt Hvíta húsinu, er 9.000 klukkustundir af stjórnun (e. Executive time) eða 1.800 golfholur,“ sagði Mattis léttur.
Brot úr ræðu Mattis má sjá hér:
Yfir 300 stæði fóru undir hraun
Hraun kemur úr þremur gígum: Virknin stöðug
„Höfum sloppið bærilega með skaða af þessu gosi“
Drónamyndskeið frá hápunkti gossins í nótt
Litlar líkur á að hraunið nái til mannvirkja
/frimg/1/53/8/1530844.jpg)
Myndir: Náttúrulegur þröskuldur að taka við
Hentugt gos fyrst gýs á annað borð
/frimg/1/53/8/1530849.jpg)
Fatlaður drengur fær ekki þjónustu í verkfalli