Breskir embættismenn hafa stigið fyrstu skref í vegferð sem miðar að því að endurheimta börn sem eru föst í Sýrlandi og koma þeim til Bretlands.

Börnin sem breskir embættismenn leita eru öll með breskan ríkisborgararétt en eiga breska foreldra sem hafa verið viðriðnir vígasamtökin Ríki íslams. Hefur foreldrum og börnum hingað til ekki verið hleypt aftur til Bretlands vegna tengsla þeirra við Ríki íslams.

Hafa embættismennirnir nú þegar komist í samband við stofnanir í Sýrlandi og beðið starfsmenn þeirra um að bera kennsl á ólögráða börn sem ætlunin er að færa á öruggan hátt til Bretlands. 

Meðal fyrstu barnanna sem borin hafa verið kennsl á eru þrír munaðarleysingjar sem talið er að hafi ferðast með foreldrum sínum til Sýrlands frá London fyrir fimm árum. Þeir eru nú staddir í sýrlensku borginni Raqqa sem er undir stjórn kúrdískra hersveita.

Shamima Begum, breskur ríkisborgari sem gekk til liðs við Ríki íslams árið 2015, var í kjölfarið svipt ríkisborgararétti sínum. AFP

Ákvörðunin nálægt áfrýjun Begum

Ætlunin er að flytja börnin til Íraks og þaðan til Bretlands. Áætlunin hefur verið metin örugg af kúrdískum embættismönnum, sérstaklega þar sem nú ríkir fimm daga vopnahlé sem lýkur á þriðjudag.

Her­sveit­ir Tyrkja hófu árás­ir á landa­mær­um Tyrk­lands og Sýr­lands 9. októ­ber síðastliðinn eft­ir að Banda­ríkja­menn til­kynntu að þeir myndu hörfa frá svæðinu. 

Ákvörðun breskra yfirvalda um að koma börnunum heim kemur skömmu áður en réttarhöld hefjast vegna áfrýjunar Shamimu Begum. Hún hefur áfrýjað dómi sem varð til þess að hún var svipt breskum ríkisborgararétti sínum. Begum ferðaðist frá heimili sínu í London til Sýrlands árið 2015, þá fimmtán ára gömul, til þess að ganga til liðs við ISIS.

Frétt af mbl.is

Óréttlátt að missa ríkisborgararétt

Lögfræðingar Begum segja að ákvörðunin hafi verið ólögmæt. Fjögurra daga réttarhöld munu eiga sér stað í vikunni í húsnæði sérstakrar áfrýjunarnefndar útlendingastofnunar, sérfræðidómstóls sem réttar vegna ákvarðana um að svipta einstaklinga ríkisborgararétti sínum af þjóðaröryggisástæðum.

Frétt af mbl.is

„Börnin eru fyrst og fremst fórnarlömb“

Síðastliðinn föstudag kom í ljós að Belgía og fleiri evrópsk ríki voru að vinna að því að senda ríkisborgara sem hefðu tengsl við Ríki íslams í norðausturhluta Sýrlands úr landi. Einnig hafa Frakkland og Þýskaland verið bendluð við slíkt.

Frétt Guardian

Tengdar fréttir

Sýrland

Forsetafrú með hvítblæði

• Helsti ráðgjafi Hisbollah sá sem ráðinn var af dögum
• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad

» Fleiri tengdar fréttir

Mál Shamimu Begum

Begum fær ekki ríkisborgararéttinn aftur

• Begum fær ekki að snúa aftur til Bretlands
• Begum fái að mæta fyrir dóm í Bretlandi
• Hvað verður um börnin?
• Yrði væntanlega hengd

» Fleiri tengdar fréttir

• Blogga um frétt