Líkir rannsókninni við múgæðisaftöku
Setja bókamerki
/frimg/1/52/88/1528837.jpg)
Donald Trump Bandaríkjaforseti líkir rannsókn fulltrúardeildar Bandaríkjaþings á meintum embættisbrotum hans við múgæðisaftöku (e. lynching).
Trump nýtir sér Twitter eins og oft áður til að koma skoðunum sínum á framfæri og í þar fordæmir hann rannsóknina og segir hana skorta sanngirni og að ekki sé farið að lögum og reglum við framkvæmd hennar.
Múgæðisaftaka í bandarískri meiningu vísar ekki síst til tíma í bandarískri sögu þess þegar þegar múgur manna, oft æstur hópur hvítra manna, réðst á svartan mann eða menn og tók af lífi án dóms og laga.
Trump hefur hingað til lýst rannsókninni sem nornaveiðum, líkt og hann lýsti rannsókn á meintum afskiptum Rússa af kosningabaráttunni 2016.
Orðfæri forsetans hefur vakið hörð viðbrögð, ekki síst hjá þeldökkum stjórnmálamönnum. Jim Clyburn, þingmaður demókrata í fulltrúardeildinni, segir í samtali við CNN að enginn forseti ætti að temja sér að nota þetta orð. „Ég kem úr suðrinu. Ég þekki sögu þessa orðs,“ sagði Clyburn.
Bobby Rush, þingmaður Illinois-ríkis svaraði færslu Trumps með afgerandi hætti þegar hann spurði: „Hvað í fjandanum er að þér?“ skrifaði Rush og krefst hann þess að Trump eyði færslunni.
Önnur aurskriða við Eyrarhlíð
„Einhverjir töfrar sem gerast“
Glíma enn við eftirköst E.coli-smits í Efstadal
Taldi betra fyrir drengina að deyja
Tré brotnuðu og umferðarskilti lagðist á hliðina
Jón „mun ekki koma nálægt meðferð hvalamálsins“
Skoða hvort Hvalur 8 og 9 geti hitað upp Suðurnes
Munu áfrýja beint til Hæstaréttar
