Norður-írski vöruflutningarbílstjórinn sem handtekin var á miðvikudag eftir að 39 lík fundust í tengivagni flutningabíls, hefur verið ákærður fyrir 39 manndráp samkvæmt lögregluyfirvöldum í Essex.
Maurice Robinson, 25 ára, var einnig ákærður fyrir mannsal, peningaþvætti og fyrir að aðstoða við ólöglegan flutning fólks. Hann verður leiddur fyrir dómara á mánudag en alls eru fimm í haldi lögreglu.
Alls fundust lík átta kvenna og 31 karlmanns í tengivanginum. Að minnsta kosti sex fórnarlambanna voru frá Víetnam og hin voru kínverskir ríkisborgarar.
Krufning á hinum látnu hófst í gær, en dánarorsök þeirra liggur ekki fyrir.