Leiðtogi Ríkis íslams sprengdi sig í loft upp
Setja bókamerki
Tengdar fréttir
Ríki íslams
Donald Trump staðfesti á blaðamannafundi í Hvíta húsinu nú fyrir skömmu að Abu Bakr al-Baghdadi, leiðtogi Ríkis íslams, hefði sprengt sig í loft upp þegar Bandaríkjamenn gerðu árás á fylgsni hans í Sýrlandi í gærkvöldi.
„Abu Bakr al-Baghdadi er látinn,“ sagði Trump.
Forsetinn sagði að Baghdadi hefði verið króaður af, grátandi og öskrandi, og þar hefði hann sprengt sig og þrjú ung börn sín í loft upp. Fjölmiðlar vestanhafs greina frá því að Baghdadi hafi alltaf haft sprengjuvesti við höndina af ótta við að vera handsamaður.
Trump hrósaði hermönnum sínum í hástert á blaðamannafundinum en alls létust níu í árásinni í norðvesturhluta Sýrlands. Auk þess þakkaði hann Rússum, Tyrkjum Sýrlendinum og Írökum fyrir aðstoðina.
„Óþokkinn sem reyndi sitt besta til að hræða aðra eyddi síðustu augnablikum sínum skelfingu lostinn, skíthræddur við bandarísku hermennina sem nálguðust hann,“ sagði Trump.
Forsetinn bætti því enn fremur við að eitt helsta verkefni hans síðan hann tók við embætti forseta hefði verið að ráða niðurlögum Abu Bakr al-Baghdadi.
Síðast sást til Baghdadi, sem er 47 ára, í áróðursmyndbandi sem Ríki íslams sendi frá sér í apríl. Áður hafði hann ekki sést opinberlega í fimm ár en árið 2014 lýsti hann yfir kalífadæmi Ríkis íslams á þeim svæðum sem samtökin höfðu lagt undir sig í Sýrlandi og Írak. Síðan þá hafa margar fregnir borist af því að hann hefði verið drepinn eða hann særst.
Tengdar fréttir
Ríki íslams
Neitaði að taka þátt í PISA-könnuninni
„Ekkert samtal sem hefur átt sér stað“
Var aldrei að fara að byggja glerhöll eða gámahótel
Veitti fá svör um banatilræðið við Trump
Mega gefa einkunnir í tölum, bókstöfum og litum
Framkvæmdir í uppnámi
Segir umræðuna storm í vatnsglasi