Þremur af fimm sem handtekin voru vegna líkfundarins í Essex í Englandi á miðvikudag hefur verið sleppt úr haldi. Manni og konu sem handtekin voru í Warrington á föstudag og manni sem handtekinn var í Dublin í gær var sleppt.
Öll voru þau grunuð um aðild að manndrápi og mansali.
Ökumaður bílsins, þar sem líkin 39 fundust, kemur fyrir dómara á morgun. Hann hefur verið ákærður fyrir manndráp, mansal og peningaþvætti.
Alls fundust lík átta kvenna og 31 karlmanns í tengivanginum. Fórnarlömbin voru frá Víetnam og Kína.