Líki Baghdadi hent í sjóinn
Setja bókamerki
Lík hershöfðingja ríkis íslams, Abu Bakr al-Baghdadi, var „grafið“ á sjó eftir að hann sprengdi sig í loft upp þegar Bandaríkjamenn gerðu árás á fylgsni hans í Sýrlandi á laugardagskvöld. Þetta hefur fréttastofa AFP eftir sínum heimildum frá Pentagon, höfuðstöðvum bandaríska varnarmálaráðuneytisins.
Í kvöld greindi BBC frá því að tveir menn hafi verið handteknir í fyrrnefndri árás Bandaríkjamanna á fylgsni Baghdadis. Þeir eru nú haldi lögreglu.
Engar upplýsingar um það hvenær eða hvar líkinu var fargað liggja fyrir en líki Osama Bin Ladens, fyrrum leiðtoga hryðjuverkasamtakanna Al-Qaeda, var fargað á sambærilegan hátt árið 2011. Hann hafði þá verið drepinn í árás bandarískra sérsveita í Pakistan.
„Jarðneskum leifum Baghdadi hefur verið fargað. Það var gert með viðeigandi hætti,“ sagði hershöfðinginn Mark Milley í samtali við AFP.
Milley sagði að greftrunin hafi verið eftir venjulegum stöðlum bandaríska hersins og í samræmi við lög um vopnuð átök.
Milley sagði jafnframt í dag að ekki væri áætlað að birta myndir af líkamsleifum Baghdadis. Donald Trump Bandaríkjaforseti hafði áður lagt til að myndskeið af árás bandarískra hermanna yrði birt.
Strandveiðar „efnahagsleg sóun“
Í vinnunni á aðfangadagskvöldi í 25 ár
Fuglager í Grindavík: „Þetta var bara pínu magnað“
38 létust í flugslysi
Éljagangur en síðan slydda eða rigning
Hellisheiði og Þrengsli ekki opnuð í dag
Æskuvinir sem fóru í víninnflutning frá Georgíu