Greiða atkvæði um rannsókn á embættisbrotum
Í bréfi til þingsins segir Pelosi að kröfur Bandaríkjaforseta um atkvæðagreiðslu séu ómarktækar.
AFP
Setja bókamerki
Greidd verða atkvæði um rannsókn á embættisbrotum Donalds Trump Bandaríkjaforseta í fulltrúadeild Bandaríkjaþings á fimmtudag.
Hingað til hafa demókratar haldið því fram að ekki þyrfti formlega atkvæðagreiðslu til þess að halda áfram rannsókninni, ekkert kveði á um það í bandarískri stjórnarskrá, en nú hefur Nancy Pelosi, leiðtogi demókrata og forseti fulltrúadeildar þingsins, sagt að atkvæðagreiðsla fari fram til þess að afnema allan vafa.
Í bréfi til þingsins segir hún að kröfur Bandaríkjaforseta um atkvæðagreiðslu séu ómarktækar, en að atkvæðagreiðsla fari engu að síður fram til þess að tryggja að Hvíta húsið gefi vitnisburð og afhendi gögn við rannsókn málsins. „Enginn er hærra settur lögunum,“ skrifar Pelosi.
Létu lofthræðsluna ekki á sig fá
Vonir bundnar við morgundaginn
Unnið að hraunkælingu allan sólarhringinn
Dæla, kæla og verja mikilvæg mannvirki
Auka aðgengi að Grindavík
„Við vöknuðum við hljóð frá sprengingum“
Fæðuöryggi: „Áttum mat í þrjár vikur“