Átta handtekin vegna tengivagnsmálsins

Lögregla í Víetnam hefur handtekið átta manns vegna gruns um aðild að dauða 39 manns, kvenna, karla og unglings, sem fundust látin í tengivagni flutningabíls á iðnaðarsvæði í bæn­um Thurrock í Essex-héraði í suðaust­ur­hluta Eng­lands 23. októ­ber.

Áður höfðu tveir verið handteknir í Víetnam vegna málsins og tveir norðurírskir karlmenn eru í haldi bresku lögreglunnar vegna málsins, annar þeirra var bílstjóri flutningabílsins sem flutti tengivagninn og hefur hann verið ákærður fyrir mann­dráp, pen­ingaþvætti og ólög­lega fólks­flutn­inga.

Frétt af mbl.is

Þjóðerni fólksins staðfest

Í frétt Sky News fréttastofunnar er haft eftir Nguyen Huu Cau, talsmanni víetnömsku lögreglunnar, að málið sé rannsakað sem smygl á fólki, en ekki sem mansalsmál. „Við munum hefja rannsókn á þessum samtökum sem flytja fólk ólöglega til Bretlands og uppræta þau,“ er haft eftir Cau.

Talið er að fólkið sem lést hafi flest komið frá héruðunum Nghe An og Ha Tinh í miðhluta Víetnam, en þar er mikil fátækt. 

Frétt af mbl.is

39 fundust látin í gámi

• Blogga um frétt