Katarski fjölmiðillinn Al Jazeera mun birta rannsókn sína sem tengist málefnum Samherja í Namibíu 1. desember, en þetta kemur fram í frétt á vef Al Jazeera sem birtist í gærkvöldi.

Fjölmiðillinn hefur unnið að rannsókninni í samstarfi við Wikileaks, RÚV og Stundina, sem hafa þegar birt skjöl og ítarlegar umfjallanir um málið.

Fiskifléttan er mál málanna í Namibíu, rétt eins og á Íslandi, þessa dagana. Í dag kom vikublaðið Confidénte út og þar eru þeir saman á forsíðunni, Helgi Seljan fréttamaður og Bernard Esau, fyrrverandi sjávarútvegsráðherra.

Í frétt Al Jazeera er aðallega fjallað um þau tíðindi gærdagsins að tveir ráðherrar í namibísku ríkisstjórninni hafi sagt af sér vegna uppljóstrana í málinu, þeir Bernhard Esau og Sacky Shanghala.

Frétt af mbl.is

Ráðherrarnir búnir að segja af sér

Þá er sjávarútvegsfyrirtækið Samherji kynnt til leiks fyrir lesendum miðilsins og sérstaklega er tekið fram að þetta stærsta útgerðarfélag Íslands selji fisk til verslanakeðja á borð við Marks & Spencer, Carrefour, Tesco og Sainsbury‘s.

Tengdar fréttir

Samherji í Namibíu

Vilja skoða tölvu Jóhannesar

• Þúsundir smáskilaboða fundust í tölvu
• Vandar Jóhannesi ekki kveðjurnar
• Óvíst hvort niðurstaðan verður kærð
• Yfirframleiðandinn kominn með stöðu sakbornings

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Magnaður fjölmiðill, Al Jazeera!