Stone dæmdur sekur í WikiLeaks málinu
Setja bókamerki
Tengdar fréttir
Donald Trump verðandi Bandaríkjaforseti
Roger Stone, fyrrverandi stjórnmálaráðgjafi Donald Trump Bandaríkjaforseta, var í dag fundinn sekur um að hindra framgang réttvísinnar og um að falskar yfirlýsingar varðandi vitnisburð hans fyrir Bandaríkjaþingi vegna tölvupósta Demókrataflokksins sem stolið var árið 2016.
Var Stone fundinn sekur um að leggja stein í götu þingrannsóknar á afskiptum rússneskra ráðamanna af bandarísku forsetakosningunum 2016. Bættist Stone þar með í sístækkandi hóp einstaklinga sem áður voru í innsta hring forsetans og sem nú hafa hlotið dóm fyrir alríkisdómstólum.
Fréttir af úrskurðinum bárust á sama tíma og vitnaleiðslur fara fram hjá fulltrúadeild þingsins vegna rannsóknar á embættisverkum Trump.
Kviðdómur taldi Stone sekan í öllum sjö ákæruliðum, m.a. um að hafa logið að þingmönnum um WikiLeaks, að hann hefði haft áhrif á vitni og hindrað rannsókn njósnanefndar þingsins á því hvort að starfsfólk kosningabaráttu Trump hefðiátt í samstarfi við Rússa vegna forsetakosninganna.
Trump var ekki seinn til að tjá sig um dómsúrskurðinn á Twitter og spurði þar hvort að dómurinn „byggðist ekki á meiri tvískinnungi en hefði nokkurn tímann áður sést í sögu“ Bandaríkjanna.
„Núna úrskurða þeir Roger Stone sekan um lygar og vilja fangelsa hann um árabil. Hvað um svikulu Hillary, Comey, Strzok, Page, McCabe, Brennan, Clapper, Shifty Schiff, Ohr & Nellie, Steele og alla hina, þar á meðal Mueller sjálfan. Lugu þau ekki,“ sagði Trump og nefndi þarna á nafn pólitíska andstæðinga sem hann beinir reglulega sjónum sínum að.
Stone, sem hefur neitað ásökununum, fær að ganga laus fram að dómsuppkvaðningu í febrúar á næsta ári.
Tengdar fréttir
Donald Trump verðandi Bandaríkjaforseti
Hvetja fólk til að huga að niðurföllum
Fjallvegir á Vestfjörðum og víða um land á óvissustigi
Gular viðvaranir í dag og á morgun
Fyrsti ríkisstjórnarfundurinn hafinn
Lítil snjóflóð fallið og vegum lokað á Vestfjörðum
Veðurspáin mjög slæm: Ökumenn fari varlega