Bann hefur verið sett við öllum aftökum fanga sem sitja í alríkisfangelsum eftir að dómari úrskurðaði að vafi léki á lagalegri heimild fyrir aftökunum. BBC greinir frá.

Banda­rísk al­rík­is­yf­ir­völd fyr­ir­skipuðu í sumar að dauðarefs­ing­ar verði fram­kvæmd­ar á ný eft­ir 16 ára hlé. Til­kynn­ing­in kom frá dóms­málaráðuneyt­inu þegar dóms­málaráðherr­ann William Barr sagðist í yf­ir­lýs­ingu hafa fyr­ir­skipað fang­els­is­mála­stofn­un að setja á dag­skrá af­tök­ur fimm fanga.

Fimmmenningarnir sitja í alríkisfangelsum í Indiana-ríki og stóð til að taka þá af lífi í desember og janúar. Dómari úrskurðaði hins vegar nýlega að véfenging á aftökuaðferðinni í máli fjögurra mannanna fengist líklega staðfest.

Frétt af mbl.is

Barr fyrirskipar aftökur fimm fanga

Sagði dómarinn Tanya S. Chutkan að fjórmenningarnir yrðu fyrir „óbætanlegum skaða“ væru þeir teknir af lífi án þess að dómstóll hlýddi á mál þeirra. Gagnrýni mannanna snýst um að aftakan fari fram með banvænni sprautu. Aftöku í máli fimmta mannsins var frestað með öðrum úrskurði í síðasta mánuði.

78 manns voru dæmd­ir til dauða í Banda­ríkj­un­um á ára­bil­inu 1988 — 2018, en ein­ung­is þrír hafa verið tekn­ir af lífi á þessu tíma­bili. 62 fang­ar, sem al­rík­is­yf­ir­völd hafa dæmt til dauða, sitja í fang­elsi í dag. Kom þessi óformlega frestun sem verið hefur í gildi frá 2003 til eftir að dómstólar úrskurðuðu trekk í trekk gegn aftöku með banvænni sprautu sem hefur verið algengasta aðferðin.

Barr fyr­ir­skipaði hins vegar í sumar fang­els­is­mála­stofn­un að taka upp viðauka sem heim­il­ar að lyfið Pentobarbital verði notað eitt og sér við af­tök­ur, í stað þriggja lyfja sem áður voru notuð við af­tök­ur. Pentobarbital er áhrifa­mikið ró­andi lyf sem hæg­ir á lík­ams­starf­sem­inni, m.a. tauga­kerf­inu, og get­ur þannig slökkt á allri lík­ams­starf­semi.

Pentobarbital er líka eitt þeirra lyfja sem eru í áðurnefndum lyfja­kokteil.

Chutkan sagði það hins vegar vera brot á alríkislögum að fangar á dauðadeild alríkisfangelsa væru teknir af lífi með öðrum hætti en fangar í ríkisfangelsum í sama ríki, sem í þessu tilfelli er Indiana.

Tengdar fréttir

Dauðarefsingar

Sat saklaus á dauðadeild í 46 ár

• Tekinn af lífi fyrir tvö morð
• Alabama hefur aftur gjöf banvænna sprauta
• Teknir af lífi fyrir að brenna Kóraninn
• Malasía bannar lögboðna dauðarefsingu

» Fleiri tengdar fréttir

• Blogga um frétt