Elísabet Bretadrottning og Karl Bretaprins voru sammála um að Andrés Bretaprins yrði að segja sig frá opinberum skyldustörfum eftir viðtal hans við BBC um kynni sín af auðkýfingnum og barnaníðingnum Jeffrey Epstein.

Norska ríkisútvarpið NRK segir þau hafa verið sammála um að þetta yrði að gerast til verja konungsfjölskylduna.

Andrés tilkynnti á miðvikudag að hann myndi draga sig í hlé frá öll­um op­in­ber­um skyldu­störf­um á veg­um bresku kon­ungs­fjöl­skyld­unn­ar um „fyr­ir­sjá­an­lega framtíð“ vegna tengsla sinna við Ep­stein.

Frétt af mbl.is

Andrew prins hættir að sinna opinberum störfum

Segja breskir fjölmiðlar það hafa verið drottninguna sem ræddi málið við Karl áður en tilkynningin var send út. Segir Evening Standard Karl hafa átt mikinn þátt í ákvörðuninni og greina aðrir breskir miðlar frá málinu með svipuðum hætti. Er fyrirsögn fréttarinnar raunar sú að drottningin hafi orðið að reka Andrés til að bjarga konungsfjölskyldunni.

Í yf­ir­lýs­ingunni sem Andrés sendi frá sér kom fram að tengsl hans við Ep­stein hafi haft mjög trufl­andi áhrif á kon­ungs­fjöl­skyld­una.

Andrés neitaði því í viðtal­inu, sem hefur hlotið mikla gagnrýni í breskum fjölmiðlum, að hafa haft kyn­mök við ung­lings­stúlku á árum áður, en kon­an hef­ur sjálf sagt að Ep­stein hafi fyr­ir­skipað henni að hafa mök við prins­inn er hún var 17 ára göm­ul. Hann sagðist raun­ar ekki muna eft­ir því að hafa nokk­urn tíma hitt kon­una, en þó er til mynd af þeim tveim­ur sam­an á heim­ili Ghislaine Maxwell, sem var vin­kona Ep­stein.

Þá sagðist  Andrés sjá eft­ir „van­hugsuðu sam­bandi“ sínu við Jef­frey Ep­stein og seg­ir að sjálfs­morð hans hafi skilið eft­ir marg­ar spurn­ing­ar, sér­stak­lega fyr­ir fórn­ar­lömb níðings­verka hans. Hann seg­ist hafa mikla samúð með öll­um sem hafi orðið fyr­ir áhrif­um af gjörðum Ep­stein.

Tengdar fréttir

Jeffrey Epstein

„Þessar upptökur eru til“

• Prinsinn passaði ekki í baðkarið
• Minnst á kynlífsupptökur af Clinton og Andrési
• Bretaprinsinn var „vikum saman“ hjá Epstein
• Andrés prins sagður í kynsvalli með ungum stúlkum

» Fleiri tengdar fréttir

• Blogga um frétt