Komið fram við foreldrana eins og „skít“

For­eldr­ar breska tán­ings­ins Harry Dunn, sem lést í bíl­slysi í lok ág­úst þegar eiginkona bandarísks sendierindreka ók á hann, saka yfirvöld í Bretland og Bandaríkjunum um að koma fram við þau eins og „skít“.

Dunn lést 27. ág­úst þegar mótor­hjól hans skall á jepp­lingi í Nort­hampt­ons­hire, skammt frá flug­stöð breska flug­hers­ins á Mið-Englandi. Konan sem varð við stýrið á jepplingnum, Anne Sacoolas, yf­ir­gaf Bret­land eft­ir slysið og nýt­ur friðhelgi sendier­ind­reka vest­an­hafs.

Frétt af mbl.is

Foreldrarnir neituðu óvæntu útspili Trump

Foreldrar Dunn skrifuðu Anne Sacoolas, bandarískum yfirvöldum og breskum yfirvöldum opið bréf þar sem þau segja meðal annars að opinberar samúðarkveðjur skipti þau engu máli.

„Þið hafið komið fram við okkur eins og við séum skítur undir skónum ykkar og við skiljum ekki af hverju,“ kemur fram í bréfinu þar sem foreldrarnir beina orðum sínum að yfirvöldum beggja vegna Atlantshafsins.

Þau hafi alla síðan tíð verið góðir og gildir samfélagsþegnar og sama hafi átt við um son þeirra. 

„Anne Sacoolas hefði aldrei átt að fá að yfirgefa Bretland en þess vegna getum við ekki leitað réttar okkar,“ segir í bréfinu.

Foreldarnir beina orðum sínum síðar að Sacoolas, sem þau segjast ekki vilja neitt illt. Hún hafi hins vegar tekið líf sonar þeirra og verði að snúa aftur til Bretlands vegna þess. 

• Blogga um frétt