Andrés Bretaprins, hertogi af Jórvík, mun draga sig út úr starfsemi og stjórn 230 góðgerðarfélaga og -samtaka. Áður höfðu nokkur þessara samtaka lýst því yfir að réttast væri að prinsinn viki úr stjórnum og sem verndari þeirra.

Í frétt breska dagblaðsins The Guardian segir að blaðið hafi fengið staðfestingu þess efnis frá Buckingham-höll að prinsinn hefði ákveðið að víkja tímabundið til hliðar. Gefið væri til kynna að hann myndi snúa aftur til þessara verkefna.

Öll spjót standa nú á prinsinum. AFP

Þessi ákvörðun var tekin eftir að tengsl Andrésar prins við barnaníðinginn Jeffrey Epstein komust enn og aftur í hámæli og umdeilt viðtal sem hann veitti á bresku sjónvarpsstöðinni BBC fyrir rúmri viku.

Frétt af mbl.is

Andrew prins hættir að sinna opinberum störfum

Í síðustu viku tilkynnti Andrés að hann myndi draga sig í hlé frá öllum opinberum skyldustörfum á vegum bresku konungsfjölskyldunnar og flytja skrifstofu sína út úr Buckingham-höll.

Umdeilt viðtal sem prinsinn veitti á BBC hefur dregið dilk á eftir sér. AFP

Tengdar fréttir

Jeffrey Epstein

„Þessar upptökur eru til“

• Prinsinn passaði ekki í baðkarið
• Minnst á kynlífsupptökur af Clinton og Andrési
• Bretaprinsinn var „vikum saman“ hjá Epstein
• Andrés prins sagður í kynsvalli með ungum stúlkum

» Fleiri tengdar fréttir

• Blogga um frétt