Þremenningarnir sem jafnan hafa verið kallaðir hákarlarnir í tengslum við mál Samherja í Namibíu eru tilbúnir að gefa sig fram við lögreglu. Munu tveir þeirra koma frá Suður-Afríku í dag. Samkvæmt bréfi lögmanns þeirra til ACC, spillingarlögreglunnar í Namibíu, eru mennirnir ekki í felum og segjast tilbúnir til samstarfs. Þetta kemur fram í frétt namibíska miðilsins New era live.

Há­karl­arn­ir þrír eru þeir James Hatuikulipi, fyrr­ver­andi stjórn­ar­formaður rík­is­út­gerðarfé­lags­ins Fis­hcor, Sacky Shang­hala, fyrr­ver­andi dóms­málaráðherra Namib­íu, og Tam­son Hatuikulipi, tengda­son­ur Bern­h­ard Esau, fyrrverandi sjávarútvegsráðherra Namibíu, og náfrændi James.

Fram kemur í fréttinni að í Shanghala og James Hatuikulipi hafi verið í Suður-Afríku þegar málið fór á flug, en þeir ætli að koma til baka til Namibíu í dag. Þá kemur fram að lögreglan hafi ekki gert neinar tilraunir til að nálgast eða setja sig í samband við Tamson Hatuikulipi.

Sacky Shanghala, fyrrverandi dómsmálaráðherra Namibíu (t.v.), ásamt Jóhannesi Stefánssyni, uppljóstrara og þáverandi starfsmanni Samherja, árið 2014. Ljósmynd/Wikileaks

Tengdar fréttir

Samherji í Namibíu

Kærur Þórðar Snæs og Aðalsteins endanlega felldar niður

• Fimm manns í tíu daga í Namibíu
• Aðstoða stjórnvöld í Namibíu
• Fimm manns frá héraðssaksóknara staddir í Namibíu
• Réttarhöldum í Samherjamálinu í Namibíu frestað

» Fleiri tengdar fréttir

• Blogga um frétt