Stærsti sigur Íhaldsflokksins í 32 ár
Guðrún Hálfdánardóttir
Setja bókamerki
Allt stefnir í stærsta kosningasigur Íhaldsflokksins í 32 ár eða frá kosningasigri flokksins, með Margaret Thatcher í fararbroddi, árið 1987. Ósigur Verkamannaflokksins er aftur á móti sá versti frá því árið 1935.
Boris Johnson snýr aftur í Downing-stræti með góðan meirihluta á bak við sig eftir þingkosningar í Bretlandi í gær. Þegar nánast öll atkvæði hafa verið talin er Íhaldsflokkurinn með 78 þingsæta meirihluta á breska þinginu.
Forseti Bandaríkjanna, Donald Trump, sendi Johnson hamingjuóskir með kosningasigurinn í dag og segir að löndin tvö séu á öruggri leið með að ná miklum og góðum viðskiptasamningum sín á milli eftir að Bretar ganga úr Evrópusambandinu.
Johnson segir að kosningaúrslitin veiti honum umboð til að ljúka Brexit og fara með Bretland út úr ESB í næsta mánuði.
Jeremy Corbyn, leiðtogi Verkamannaflokksins, segir að nóttin hafi verið full af vonbrigðum fyrir flokkinn og að hann myndi ekki leiða flokkinn í fleiri kosningabaráttum.
Samkvæmt spá BBC fær Íhaldsflokkurinn 364 þingmenn kjörna, Verkamannaflokkurinn 203, Skoski þjóðarflokkurinn 45, Frjálslyndir demókratar 12, velski þjóðarflokkurinn Plaid Cymru 4 og Græningjar 1. Brexit-flokkurinn fær engan mann kjörinn á þing.
Ekki gerlegt að sakfella eftir lýsingu í ákæru
Ágreiningur í VG um aðild að NATO
Ísrael rýfur öll tengsl við UNRWA
Tíu börn á spítala, þar af tvö á gjörgæslu
Björgunarsveitarmaður á æfingu lést við Tungufljót
„Við vorum alveg á nippinu“
Svona verður endaspretturinn