Markaðir bregðast vel við yfirlýsingu Trumps
Setja bókamerki
Alþjóðlegir verðbréfamarkaðir hafa tekið kipp upp á við í kjölfar þess að Donald Trump Bandaríkjaforseti lýsti því yfir fyrir helgi að lítið vantaði upp á að viðskiptasamningur á milli Bandaríkjanna og Kína væri í höfn.
Trump sagði Bandaríkin mjög nálægt því að landa stórum samningi við Kína. „Þeir vilja hann og sama er að segja um okkur,“ ritaði Trump á Twitter-síðu sína.
Viðskiptastríð hefur geisað á milli þessara stærstu efnahagsvelda heimsins og hafa samninganefndir þeirra unnið hörðum höndum að því að gera alla vega afmarkaðan samning áður en bandarísk stjórnvöld hyggjast hækka tolla á Kína á sunnudaginn.
Margir hafa óttast afleiðingar þess að samningar náist ekki í tæka tíð og hefur yfirlýsingu Trumps því verið tekið vel af fjárfestum um allan heim.
Segja KÍ hafa leitt skólakerfið í öngstræti
Myndskeið: Rýkur úr sprungu sem klýfur Hagafell
Foreldrar skilja ekki einkunnir barna sinna
Fossvogslaug ekki í áætlunum Kópavogs
Leitaði föður síns í kolröngu landi