Boris Johnson, forsætisráðherra Bretlands, hefur fyrirskipað ráðherrum sínum að sniðganga viðskiptaráðstefnuna í Davos í Sviss sem fram fer í næsta mánuði. Það sé ekki í forgangi hjá ríkisstjórninni að drekka kampavín með auðkýfingum.

Haft er eftir heimildarmanni innan ríkisstjórnarinnar á fréttavef breska dagblaðsins Daily Telegraph að áhersla stjórnarinnar sé á það að vinna að hagsmunum bresku þjóðarinnar en ekki að drekka kampavín með auðkýfingum.

Heimildarmaðurinn segir enn fremur við blaðið að ráðstefnan fari auk þess fram á síðari hluta janúar þegar Bretland verði á leið úr Evrópusambandinu. Áhersla stjórnvalda verði á framkvæmd útgöngunnar.

Vísar heimildarmaðurinn því á bug að ákvörðun Johnsons væri til marks um það að Bretland ætlaði ekki að taka virkan þátt í alþjóðlegu samstarfi. Þannig verði Bretar til að mynda gestgjafar vegna loftlagsráðstefnu Sameinuðu þjóðanna á næsta ári.

Rifjað er upp í fréttinni að Johnson hafi áður lýst efasemdum sínum um gagnsemi þess að sækja viðskiptaráðstefnuna í Davos skömmu fyrir þjóðaratkvæðið 2016 þar sem meirihluti breskra kjósenda ákvað að Bretland skyldi yfirgefa Evrópusambandið.

Tengdar fréttir

Brexit

Nigel Farage gefur kost á sér og leiðir flokk

• Verði auðveldara að fara til og frá Bretlandi
• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins

» Fleiri tengdar fréttir

Kosningar í Bretlandi 2019

„Róttækasta stefnuræða drottningar síðari ára“

• Áfram afgerandi kynslóðabil í breskum stjórnmálum
• Sökuð um að kalla kjósendur heimska
• Sleppur við að synda nakin í Loch Ness
• Segir Skota „fangelsaða“ innan Bretlands

» Fleiri tengdar fréttir

• Blogga um frétt