Yfirvöld í Ástralíu hafa hvatt fólk sem hugðist ferðast til fylkisins New South Wales (NSW) að fresta fyrirhuguðum ferðalögum vegna náttúruhamfara sem geisa en kjarreldar og hitabylgja ógna lífi og eignum fjölmargra Ástrala.

Hitastig heldur áfram að hækka í landinu og sterkir vindar hafa orðið til þess að eldurinn breiddist yfir þrjú fylki í dag. 

Heimamönnum gengur afar illa að ráða við eldana. AFP

Áður hafði verið lýst yfir neyðarástandi í fjölmennasta fylki Ástralíu, New South Wales. Milljónir íbúa stærstu borgar ríkisins, Sydney, búa við afar slæm skilyrði vegna reyks frá kjarreldum sem loga á þremur stöðum í kringum borgina.

Frétt af mbl.is

„Hvar í fjandanum ertu?“

„Við biðjum fólk um að ferðast ekki á vegum í grennd við eldsvoða nema brýn nauðsyn sé til,“ sagði fylkisstjóri NSW, Gla­dys Berejikli­an, á blaðamannafundi.

Yfir 40 stiga hiti og miklir vindar hafa orðið til þess að það er nánast ómögulegt fyrir 10 þúsund slökkviliðsmenn í NSW að eiga við eldana.

Íbúar Sydney búa við afar slæm skilyrði vegna reyks frá eldunum. AFP

„Þetta eru ótrúlegir þurrkar en á sumum svæðum hefur ekki rignt í meira en ár,“ sagði slökkviliðsstjórinn Ben Shepherd. Hann sagðist búast við því að eldarnir héldu áfram að breiðast út eftir jól.

Geof­frey Keating, 32 ára og Andrew O'Dwyer, 36 ára, lét­ust þegar tré féll á flutn­inga­bíl þeirra í gær þegar þeir voru að berj­ast við kjar­relda sem geisa stjórn­laust suður af Syd­ney. 

Alls hafa átta manns látið lífið í eldunum og 700 heimili brunnið til grunna frá því í september.

Frekar er gert ráð fyrir því að eldarnir aukist en hitt. AFP

Tengdar fréttir

Gróðureldar í Ástralíu

Loftslagsbreytingar hafa greinileg áhrif

• Milljarðar dýra drápust
• „Það er vatn úti um allt“
• Óbærilegur hiti í Canberra
• Neyðarástand í höfuðborg Ástralíu

» Fleiri tengdar fréttir

• Blogga um frétt