Fyrrverandi tengdasonur Noregskonungs látinn

Ari Behn, fyrrverandi eig­inmaður Mörtu Lovísu Nor­eg­sprins­essu, fannst látinn í dag. Konungsfjölskyldan greindi frá því í yfirlýsingu í kvöld að hann hefði fallið fyrir eigin hendi. Behn var 47 ára.

Behn og Marta Lovísa voru gift í fjórtán ár en þau skildu árið 2016. Saman eignuðust þau börnin Maud Ang­elicu, fædd árið 2003, Leuh Isa­doru, fædd 2005, og Emmu Tallu­luh, fædd 2008.

Umdeildur örsagnahöfundur

Í yfirlýsingu frá konungsfjölskyldunni kom fram að um mikla sorgarfregn væri að ræða og að Behn hefði verið mikilvægur hluti fjölskyldunnar í mörg ár. 

„Við erum þakklát fyrir að hafa fengið að kynnast honum. Við syrgjum með barnabörnum okkar sem hafa misst föður sinn og öðrum ættingjum hans. Við biðjum fyrir nánustu ættingjum hans,“ kom fram í yfirlýsingu frá Haraldi Noregskonungi.

Frétt NRK.

• Blogga um frétt