Sex flugskeyti lentu á græna svæðinu í Bagdað
Setja bókamerki
Fregnir berast nú af því frá Bagdað höfuðborg Íraks að sex Katyusha-flugskeyti hafi hæft „græna svæðið“ svokallaða í borginni, öryggissvæði þar sem skrifstofur ríkisstjórnarinnar, alþjóðastofnana og erlendra sendiráða eru til húsa.
Þrjár eldflaugar til viðbótar hæfðu Jadriya-hverfið sem er þar í grenndinni, samkvæmt frétt Al Jazeera, sem vísar til yfirlýsingar íraska hersins um málið.
Heimildarmenn miðilsins innan lögreglu segja að sex hafi særst innan græna svæðisins og AFP-fréttastofan segir að fjórir hafi særst þegar flugskeyti lenti á heimili fjölskyldu rétt utan við öryggissvæðið.
Vitni segja við AFP-fréttastofuna að tvö flugskeyti hafi lent nærri bandaríska sendiráðinu.
Sprengjukúlum var varpað á græna svæðið í gærkvöldi, en þá særðist enginn.
Slasað barn fær ekki styrk vegna leigu á hjólastól
Jón „mun ekki koma nálægt meðferð hvalamálsins“
Telja sig geta rekið Grindavík til 2026
Ránið var framið í strætóskýli
„Einhverjir töfrar sem gerast“
Glíma enn við eftirköst E.coli-smits í Efstadal
Komu fólki til aðstoðar í Ísafjarðardjúpi
